Mudirîya Pêroyî ya DÎSKÎ ya Şaredarîya Amedî ya Şaristanê Girdî, seba ke hewcedarîya awa şimitişî ya cayê roniştişê neweyî yê Taxa Şêx Şerafettînî ya merkezê Karazî temîn biko xetê awa şimitişî û seba ke problemê awa lêmine safî biko xetê kanalîzasyonî ronayî.

Mudirîya Pêroyî ya DÎSKÎ, seba ke xizmetêko kalîteyin bido şarî û waştişanê xizmetî bîyaro ca, bajarî de xebatanê binawanî dewam kena.

Mudirîya Pêroyî ya DÎSKÎ, waştişê şarî nirxnayî û seba cayê roniştişê neweyî yê Taxa Şêx Şerafettînî ya merkezê Karazî proje hazir kerd.

Ekîban çarçewaya projeyî de cayê roniştişê neweyî yê Taxa Şêx Şerafettînî de 500 metre xetê awa şimitişî rona û hewcedarîya awa şimitişî yê şarî temîn kerd.

Xetê kanalîzasyonî qedîya

Ekîban xebatê ke seba safîkerdişê problemê awa lêmine Taxa Şêx Şerafettînî ya merkezê Karazî de dest pêkerdbî, qedênayî. Ekîban 1100 metre xetê kanalîzasyonî ronayî û temîn kerd ke awa lêmine ya taxe bi hawayêko weş bêro dûrîvistene.