Şaredariya Bajarê Mezin a Amedê, di çarçoveya hilweşandina avahiyên ku di erdheja ku navenda wê Mereşê de xisareke mezin dîtiye, wê Kolana Fatîhê ya navçeya Baxlarê 3 rojan li trafîkê bigire.

Navenda Koordînasyona Veguhastinê (UKOME) ji ber hilweşandina avahiyên ku zirareke mezin dîtine biryar da ku Kolana Fatîhê ya navçeya Baxlarê di navbera 7-8-9ê gulanê de ji trafîka peya û wesayîtan re bê girtin.

Rêya alternatîf

Dema ku dê kolan ji trafîkê re girtîbe, wesayîtên çûnûhatinê yên gel ku cadeyê bi kar tînin dê karibin cadeya Nûxet Coşkun a li ser xeta Oryilê wekî alternatîf bi kar bînin.