Semedo ke Planê koordînasyonî Têkoşînî Vera Şîdetê Sere Cinîyan ya 2020-2021 henî bi leze bikuwe faaliyet 81 bajarî de bi serekîya walîyan hemeyê welatî de hemdem kombîyayiş virazîya.Kombîyayişê Dîyarbekirî zî bi Serekîya Walî û Serekwekîlê Şaredarîya Bajarê Girdî ya Dîyarbekirî Hasan Basri Guzelogluyî virazîya.

Planê Koordînasyonî Têkoşînî Vera Şîdetê Serê Cinîyan ya 2020-2021 bi îmzayî Wezîra Keye,Xebitîyayîş û Xizmetanê Sosyal Zehra Zumrut Selçuk, Wezîre Edaletî Abdulhamit Gül, Wezîrê Karê Zereyî Suleyman Soylu, Wezîre Perwerde ya Mili Ziya Selçuk, Wezîrê Weşîye Fahrettin Koca û Wezîrê Karanê Dîyanetî Ali Erbaşî kewt faaliyet û heme welatî de hemdem bi serekîya walîyan, kombîyayişê planê koordînasyonî têkoşînî vera şîdetê serê cinîyan ya 2020-2021 dest pêkerd.Kombîyayişê Dîyarbekirî zî bi serekîya Walî û Serekwekîlê Şaredarîya Bajarê Girdî ya Dîyarbekirî Hasan Basri Guzelogluyî dest pêkerd.Kombîyayiş Walîtîya Dîyarbekirî de virazîya û kombîyayiş rê Walî û Serekwekîlê Şaredarîya Bajarê Girdî ya Dîyarbekirî Hasan Basri Guzeloglu, Serdozgerê Komare Ahmet Yavuz,Rektorê Unîversîteya DÎcle Prof. Dr. Talip Gül, Hetkarî Walîyê Dr.Ahmet Naci Helvacı û Zerrin Çay Beşikçi, Fermandarê Cenderme yê Tuggeneral Mustafa Erdem, Midurê Asayîşê Bajarî Şukru Yaman, midurê lijneyan û selahîyetdaranê Midurîya Keye Xebitiyayîş û Xizmetanê Sosyal ya Dîyarbekirî beşdar bîyî.

Walî Guzelogluyî kombîyayiş de qalîkerd û wîna va:”Ma ewro heme welatî de bi hemdem kombîyayişê planê koordînasyonî têkoşînî vera şîdetê sere cinîyan ya 2020-2021 virazenê.Semedo ke ma şîdetê serê cinîyan û kiştişê cinîyan bivindarnê ma bi qanûnê şîdetî heme cayan di têkoşîna xo domnenê.Mabenê 17 serrî de mabenê komele de statüye cinîyan û têkoşînê vera şîdetê serê cinîyan û kiştişê cinîyan xeylê xebat virazîya.Sey Serekkomar Recep Tayyip Erdoganî vat bî şîdetê serê cinîyan û kiştişê cinîyan sucê merdimi yo.Rixmê heme xebatan çi keyfo ke şîdet û kiştişê cinîyan dewom keno.Ma ganî heqanê cinîyan rê wayîr bivejîyê.No berpirsîyarîye ma yo tewr girîng o.No derheq de şaredarî, Walîtîya Dîyarbekirî û heme lijneyan û dewlete ma bi heme îmkananê xo dest danê cinîyan.Ez bawera ke ma do bi no qerardarîye serbikeweme.”