Yew grûba cinîyan a Komela Cinîyanê Koçberan, Serekîya Daîreya Xizmetanê Cinî û Keyeyî yê Şaredarîya Amedî ya Şaristanê Girdî zîyaret kerde.

Yew grûba cinîyan a Komela Cinîyanê Koçberan ke Tirkîya ra koç kerdê Almanya û bi serran o ke Almanya de bi hawayêko aktîf xebata cinîyan ramnenê, seba piştgirîye Serekîya Daîreya Xizmetanê Cinî û Keyeyî zîyaret kerd. Cinî, hetkara Sektererîya Pêroyî Zerîn Turk, Sereka Daîreya Cinî û Keyeyî Ozden Gurbuz Sumer, Endamê Meclîsê Şaredarîye Gulay Kiliç, Demet Ceylan, Mudira Şubeyê DÎKASUM’î Eylem Karaaslan û hetê berpirsîyarê yewîneyan ra ameyî pêşwazîkerdene.

Cinîyanê Komela Cinîyanê Koçberan ke zîyaret de qisey kerd, va ke seba girewtişê tecrubeyê mucadeleyê seypêyîya cinîyanê mintiqa, viraştişê komunîkasyon û temînkerdişê piştgirîye ameyê Amedî.

Sereka Daîreya Xizmetanê Cinî û Keyeyî Ozden Gurbuz Sumer zî derheqê xebatanê ke seba cinîyan kenê û dewam kenê û karê keyeyê stargehî de melumat da.

Zîyaretî de ke mesajê piştgirîye ameyî dayene, hêvî ame kerdene ke têkilî do seba xebatanê hemkaran dewam bikerê.

Cinîyan zî hacetê hewcedarîya lezkanî ke seba cinî û domanê ke keyeyê stargehî de manenê, girewtî, seba piştgirîye Serekîya Daîreya Xizmetanê Cinî û Keyeyî rê teslîm kerdî.