Şaredarîya Amedî ya Şaristanê Girdî, seba wendekaranê Unîversîteya Dîcle gêrayîşêk qezayanê Gêl û Erxenî rê organîze kerd.

Şefîya Şûbeyê Turîzmî ya Serekîya Daîreya Kultur û Karanê Sosyalan gêrayîşanê daşinasnayîşê şaristanî rê yewna gêrayîş îlawe kerd.

Çarçewaya gêrayîşî de wendekarê Unîversîteya Dîcle cayê mîrasê kulturî, rayîrê xoza û Şikeftê Hîlarî yê qezayanê Gêl û Erxenî de seba vînayîş û şinasnayîş şans dî.

Gêrayîşo ke seba ke wendekarî tarîx û erjê xozayî yê şaristanî ke tede ciwîyenê nas bikerê û derheqê mîrasê kulturî de zanayîşê înan aver şêro, organîze bî, rehberê profesyonelî ke kokartin ê û girêdayeyê Şefîya Şûbeyê Turîzmî yê, beşdar bî û derheqê cayanê tarîxî û kulturîyan de malumatê detayinî dayî wendekaran.

Şefîya Şûbeyê Turîzmî ya Serekîya Daîreya Kultur û Karanê Sosyalan do dewam biko ke seba wendekaran gêrayîşê tarîxê şaristanî û mîrasê kulturî organîze biko.