Şaredarîya Amedî ya Şaristanê Girdî, seba ke doman û ciwanî hunerê xo aver berê, kursanê sporî organîze kena.

Serekîya Daîreya Xizmetê Ciwan û Sporî, seba doman û ciwanan kursanê sporî organîze kena. Kursê ke asnawe, futbol, kayê aqil û zîhnî, tekwando û tenîsê kortî de do bêrê dayene, beşdaran rê do îmkanê keşfkerdişê hunerê xo û averşîyayîşî bidê. Kursî de ke doman û ciwanê emrê 8-16î eşkenê muracat bikerê, perwerde do bi perwerdekaranê pisporan a bêro dayene.

Sporkerê biqabîlîyetî do bêrê keşfkerdene

Badê qedênayîşê kursan doman û ciwanê ke biqabîlîyet ê, do klubê Şaredarîya Amedî ya Şaristanê Girdî yê branşê ci ro bêrê pêşnîyazkerdene.

Cayê qeydî û tarîx

Kesê ke wazenê beşdarê kursan bibê, eşkenê mabênê 7-12ê çeleyî de Cayê Ciwîyayîşê Hemparî yê Sumerpark de Serekîya Daîreya Xizmetê Ciwan û Sporî de qeydê xo bikerê. Perwerdeyê branşan do badê girewtişê qeydan dest pêbikerê.