Şaredarîya Amedî ya Şaristanê Girdî, seba perwerdeyê komputer û anîmasyonê 3D yê ke seba cinîyan o, dest bi girewtişê muracatan kerd.

Programê perwerdeyî ke do hetê Serekîya Daîreya Xizmetê Cinî û Keyeyan ra bêro dayene, seba ke becerîyê dîjîtalî yê cinîyanê ciwananê bajarî bêrê zêdekerdene û warê înanê karî bêrê hîrakerdene, ameyo dizaynkerdene.

Nê perwerdeyî de dersê komputerê bingeyî, modelkerdişê 3D û anîmasyonî dîyenê. Perwerdeyî ke peyê hefteyî do bêrê dayene, 6 aşmî do dewam bikerê. No perwerde, cuya karan de ke êdî bîya dîjîtal, seba ke îstîhdamê cinîyanê bajarî bêro zêdekerdene, virazyayo.

Mabênê 14-24ê Nîsane de muracatî keyepelê https://3dbasvuru.diyarbakir.bel.tr/ ra online yenê girewtene. Cinîyê ke nêeşkenê muracatê online bikerê, eşkenê Merkezê Cuya Cinîyan yê Koşuyoluyî yê ke girêdayeyê Serekîya Daîreya Xizmetê Cinî û Keyeyan o, uca muracatê xo bikerê.