Şaredarîya Amedî ya Şaristanê Girdî lansman viraşt ke tede zabitnameyê Serekîya Daîreya Xizmetê Astengdar û Pîran pêşkêş kerd.

Lansmanî de Hemserekê DEM Partî Tuncer Bakirhan, Hemşaredarê Amedî Serra Bucak û Dogan Hatun, Hemşaredarê Wanî Neslîhan Şedal û Abdullah Zeydan û temsîlkarê komelanê astengdaran beşdar bîyî.

Bakirhanî qisey kerd û va welat de 10 mîlyon astengdarî est ê û heqê înan nêyeno dayene. Ey va ke ziwanê îşaretî zî ganî bibo wayîrê statu.

Hemşaredara Amedî Serra Bucak qisey kerd û va ke ê 8-9 aşman de xeylê karî kerdî û zabitname zî amade kerdo. Aye va ke ê do heme cayê bajarî de resayîşê astengdaran asan bikerê.