Wezaretê Karanê Zereyî tamîmêk weşana û o ser o Walîyê Dîyarbekirî Munîr Karalogluyî qezaya Yenîşehrî semta Ofîsî de teftîşê Vîrusê Korona kerd û “Eke ma goş mede tedbîranê Vîrusê Korona ma do nêweş bîya û vîrus heme heskerdoxî ma ma ra bigîrê”vat.

Karalogluyî gora Tamîmê Wezaretê Karanê Zereyî ya ke Vîrusê Korona de weşanabi qezaya Yenîşehrî semta Ofîsî de esnafan û tedbîranê Vîrusê Korona sehna.

Walî Karalogluyî dezge û esnafanê bazarê Ofîsî de yew bi yew dezgeyan gêra û esnafan ra suhbet kerd derheqê tedbîranê Vîrusê Korona agahî daye înan û badê Kuçeyê Hunerî de kargehan gêra, hemwelat û esnafan derheqê tedbîranê Vîrusê Korona îqaz kerd.

Karalogluyî bal ont giringîya tedbîranê Vîrusê Korona ser û va:” Ma ewro qezaya Yenîşehrî semta Ofîsî de esnaf û hemwelatîyan sehna la çi heyfo ke ma hena vîneme ke heme hemwelatîyan goş nêdana tedbîran.Ganî ma hem semedê heskerdoxê xo hem welatî xo hem zî seba heme hemwelatîyan bal bideme tedbîran.Sewbînan hemwelatîyanê ke bire îzalasyonê biterikno yurdê KYK’yan da bêro girewtişê bine îzolasyonî û ma heme mesrefê înan zî yena girewtiş.Teriknayîşê îzolasyonî sey kiştîşê merdimi, sucê merdimi yo o semed ma kesanê ke îzalosyonî teriknenê gerre kenê.Heme tedbÎr semedê weşîya şima yo.”