Ekîbê Şaredarîya Bajarê Girdî yê Amedî yê zabitayî, tesîsê mastî da muhurkerdene ke no tesîs bi hewayêko qaçax mast viraştêne.

Serekîya Daîreya Zabitayî seba weşî û aramîya şarî 7/24 xebitêna. Personelê Mudurîya Zîreetî yê Bajarî û ekîbê şaredarî ê zabitayî pîya qezaya Yenîşehîr rayîrê Farqînî ser o tespît kerd ke tesîsêk de bi hewayêko qaçax û bêhîjyen mast yeni viraştiş.

Tesîs ame muhurkerdene

Kontrolî de 355 sitilî mast û 100 kîlo rûn ame vînayene, ekîbanê Şaredarîya Bajarê Girdî yê Amedî nê îmha kerdî. Mudurîya Zîreetî yê Bajarî tesîsê rê 146 hezar û 337 TL ceza birna û ekîbê Şaredarîya Yenîşehîrî tesîs muhur kerd.