Meclîsê Cinîyan ê Şaredarîya Amedî ya Şaristanê Girdî seba ke warê xebatanê cinîyan hîra bikero zîyaretê yewîneyanê şaredarîye kerd

Sekreteryaya Meclîsê Cinîyan a Şaredarîya Şaristanê Girdî seba ke warê xebatanê cinîyan hîra bikero û hemparîya xo ya yewîneyanê şaredarîye reyde xurt bikero xebatanê xo dewam kena. Meclîsê Cinîyan, na çarçewa de zîyaretê Serekîya Daîreya Xizmetanê Sosyalan, Serekîya Daîreya Karanê Kultur û Sosyalan û Serekîya Daîreya Çimeyê Merdiman û Perwerdeyî ya Mudirîya Pêroyî ya DÎSKÎ kerd.

Projeyê ke cinîyan gênê merkeze xo

Zîyaretan de ke amancê înan o yo ke xebatê ke cinîyan gênê merkeze xo, heme cayê şaredarîye de hîna zaf bêrê tetbîqkerdene û cinî mekanîzmaya qerardayîşî de hîna aktîf ca bigîrê, derheqê afirnayîşê projeyanê hemparan de seba ke cinî waranê sosyal, kulturî û ekonomîkî de hîna aktîf rol bigîrê fikrî ameyî qiseykerdene.

Meclîsê Cinîyan seba ke têkilî û hemparîya xo xurt bikero do zîyaretanê xo dewam bikero.