Hemşaredarê Şaredarîya Amedî ya Şaristanê Girdî Serra Bucak û Dogan Hatun beşdarê yad kerdişê Serrgêra mergê şaîr Ahmed Arîfî bîyî û hêvî kerd ke Şîîra 33 Guleyan reyna nênusîyo.

Serekîya Daîreya Xebatanê Kultur û Komelkîyan, DÎTAV reyde seba serra 34. ya merdişê Şaîr Ahmed Arîfî nawitgehêk akerd.

Akerdişê nawitgehê peykeranê Hunermend Mehmet Latîf Sağlamî DÎTAV de Hemşaredarê ma Serra Bucak û Dogan Hatun hemşaredarê qezayan, temsîlkarê rêxistinê komelê sivîlî beşdarê ci bîyî.

Serra Bucak: Waştişê ma o ya ke şîîra 33 guleyan reyna nênusîyo, çunke yew rey nusîya. Wa aştî, azadî û hêvî ke nê erdî heq kenê, agêrê, zîl bidê, xurt bibê.

Dogan Hatun: Ahmed Arîf tena şîîrê xemgînîye nênuştî, eynî wext de komelî rê xeylê xebatê bicoşî, pîrozî zî dayî, ma ganî nînan zî biyarê xo vîrî.