Şaredarîya Amedî ya Şaristanê Girdî, Sahaya Çîmî ya 2. ya ke Tesîsê Sporî yê Şilbeyî de ya, seba ke musabeqayanê neteweyî rê munasib bibo tamîr kena.

Serekîya Daîreya Xizmetê Ciwan û Sporî, Sahaya Çîmî ya 2. ya ke Tesîsê Sporî yê Şilbeyî de ya û şuxulnayîşê Şaredarîya Şaristanê Girdî de ya la demêko derg bêwayîr menda, dest bi xebata miqate û tamîrî kerd.

Koordînasyonê Serekîya Daîreya Xizmetê Ciwan û Sporî de ekîbê serekîya daîreyanê Park û Baxçeyan û Karê Teknîkî wareyê xebata miqat û tamîrî de 500 kîlo toximê çîmî û 3 kamyon quma şuteye vila kerd.

Xebate de ke tribun û odayê bedilnayîşê kincan zî reyde ameyî miqatkerdene, seba ke zemîn bibo munasibê şuxulnayîşî Tîma Beledîyesporê Şaristanê Girdî antremanê xo vindarnayî.

Serekîya Daîreya Xizmetê Ciwanî û Sporî, badê ke xebatî biqedîyê û Sahaya çîmî bibo amade, a do bido xizmetê tîmanê ke şaristanî de lîganê profesyonelan de mucadele kenê.