Şaredarîya Amedî ya Şaristanê Girdî seba ke resî biko rehet, konforin û emnîyetin, dest bi prosesê girewtişê 51 otobusanê neweyan kerd. Otobusê ke 2025 de bêrê teslîmgirewtene, do xizmetê şarî de bêrê şuxulnayene.

Şaredarî fîloyê xo yê 330 wasitayan hîra kena. Meclîsê Şaredarî qerar da ke hûmara otobusan vêşî bikero. Verê cû seba 14 otobusan proses ame qedênayene û nika paweyê teslîmgirewtişê nê otobusan yê.

Serekê Daîreya Resî Temel Cengizî va: "Ma seba çareserkerdişê problemanê resî gamî eştî. Sifte 14 otobusî ameyî girewtene, nika zî 51 otobusê bînî zî ameyî girewtene. Bi nê 65 otobusanê neweyan ma do xizmetêko konforin û resayox bidê şarê xo. Ma do dewam bikerê ke problemanê resî safî bikerê."