Ma xebatanê bînawanî yê Parka Şaristanî ya Mezopotamya lez kenê û dewam kenê ke cayêko ke pêresayîşê bulwaranê Dîclekent-Mezopotamya de yeno awankerdene û cayanê averşîyayîşê şaristanî yê muhîman ra yew o.

Îskeleto sereke yê parke ke do warêko 211 hezar metrekareyan ser o bêro awankerdene, bi pêroyî temam bî.

Parke de karê bîngeyî yê awanîyanê sey kafe, kitabxaneyo serakerde û WC’yî dewam kenê.

Parke de ke yeno plankerdene ke do nefesêko newe bido cuya şaristanî ya komelkî û kulturî, kendişê drenajê warê şînayî temam bî. %90ê kendişê xetanê serekeyan ê elektrîk û roşnkerdişî temam bî, %60ê pirkerdişê blokajanê rayîrê bîsîklet û peyayan, %5ê kendişê awe yê awedayîşî temam bî.

Badê temambîyayîşê xebatanê bînawanî do xebatê serawanî dest pêbikerê.

Çarçewaya serawanî de şaristanî de kitabxaneyo serakerde yo yewin û sînemaya serakerde ya yewine do bêrê awankerdene.