Şaredariya Bajarê Mezin a Amedê, hejmara xwendekarên ku ji projeya piştgiriya perwerdehiyê ya ku îsal ji bo kesên ku îsal cara ewil ketine zanîngehê, ji 3 hezar û 632an derxist 5 hezar û 235an.

Di çarçoveya projeya ku ji aliyê Serokatiya Daîreya Xizmetên Civakî ve tê meşandin de, ji bo xwendekarên di bin 30 salî de ku beriya 13ê Tebaxê li Amedê diman û li zanîngehên dewletê yan jî zanîngehên taybet ji sedî 100 bernameyên bûrsê hatin bicihkirin, desteka perwerdeyê hat dayîn.

Di vê çarçoveyê de bi tevahî 6 hezar û 569 xwendekarên ku dixwestin ji piştgiriya perwerdehiyê sûd werbigirin serlêdan kirin. Piştî ku maweya serîlêdanê bi dawî bû, di nirxandina ewil de 3 hezar û 632 xwendekar, di nirxandina duyemîn de jî hezar û 603 xwendekarî ji desteka perwerdehiyê sûd wergirtin. Bi vî awayî hejmara xwendekarên ku desteka perwerdeyê girtine gihişte 5 hezar û 235an.

Di meha Mijdar û Kanûnê de ji 5 hezar û 235 xwendekaran re 2 mehan carekê 5 hezar TL bi giştî 15 hezar TL dayîna desteka perwerdeyê ya ewil hat dayîn.

Agahdarî bi SMSê hate kirin

Di nirxandina duyemîn de hezar û 603 xwendekarên ku mafê perwerdeyê dîtin bi rêya SMS hatin agahdarkirin.