Keyeyanê Arisîyayîşî û Merkezê Ciwîyayîşê Aktîfî yê Şaredarîya Amedî ya Şaristanê Girdî de seba astengdaran ke perwerde gênê perwerdeyê hîdroterapî ame organîzekerdene.

Keyeyanê Arisîyayîşî û Merkezê Ciwîyayîşê Aktîfî yê girêdayeyê Serekîya Daîreya Xizmetanê Astengdar û Pîran de wendoxê ke otîzm, sendromê down û reterdasyonê mentalî est ê, seba ke problemê fokuskerdişê înan safî bibo, prosesê rehabilîtasyonî temîn bibo û qabîlîyetê psîko-motorî yê înan aver şêrê, hîdroterapî (tedawîya mîyanê awe) ameye dayene.

Astengdarî keyeyanê xo ra bi wesayitanê servîsî yê Şaredarîya Şaristanê Girdî ameyî girewtene û ameyî berdene Hewza Awnayanîya Girewtî ya Kurelî ya girêdayeya Şaredarîya Kayapinarî.

Qabîlîyetê motorî aver şinê

Perwerdekaranê pisporan reyde hewza de gedeyan rê perwerdeyê hîdroterapî ke qabîlîyetê motorî yê gird û hurdî sey masûlkeyanê bedenî pîya gurêneno ame dayene.

Perwerdeyî de ke hedef o yo ke averşîyayîşê fîzîkî, zîhnî, fehmkerdişî, psîkolojîk û hîsî yê astengdaran bêro caykêko hîna bereketin, wendekaran keyf kerd.