Li Zanîngeha Dîcleyê, bi armanca hişyarkirina derbarê rêveberiya bermayiyan û guherîna avhewayê de, bernameyek perwerdeyê hat lidarxistin.

Xwendekarên Zanîngeha Dîcleyê jî tevlî perwerdeyên ku ji aliyê Serokatiya Daîreya Guherîna Avhewayê û Sifir Avêjk a Şaredariya Bajarê Mezin a Amedê ve, bi armanca bidestxistina hişmendiya jîngehê di temenên biçûk de, ji bo xwendekarên seretayî û navîn tê lidarxistin û berdewam dike, bûn.

Armanca perwerdeyê hişyarkirin e

Di vê çarçoveyê de, di perwerdeya ku li Zanîngeha Dîcleyê hat lidarxistin de, Endezyara Bilind a Jîngehê Nevroz Kavak a ku di Serokatiya Daîreya Guherîna Avhewayê û Sifir Bermayî de wezîfedar e, pêşkêşî kir. Kavak derbarê rêveberiya bermayiyan, guherîna avhewayê, bikaranîna çavkaniyên enerjiya nûjen, pêkanîna polîtîkayên çandiniyê yên rast, rêveberiya jîngehê û bi rêbazên guncav avêtina her cûre bermayiyan de agahî da xwendekaran.

Kavak her wiha destnîşan kir ku divê rûnên xwarinê yên ku li kargehên tevahiya kampûsê çêdibin bi rêkûpêk bên berhevkirin.

Di perwerdeyê de, Koordînatorê Rêveberiya Jîngehê û Sifir Avêjk a Zanîngeha Dîcleyê Oguzhan Eyîgun û Doç. Dr. Sadreddin Tusun jî pêşkêşî kirin û derbarê jîngehê de perwerde dan xwendekaran.