Walî û Serekwekîlê Şaredarîya Bajarê Girdî ya Dîyarbekirî Hasan Basri Guzelogluyî kombîyayîşêko serrast kerd û aşkera kerd ke, semede mabenê sektoran di koordînasyonê bikero û paştî bide xebatanê AR-Ge platformê neweyê bajarî ameyo awankerdene.

Rayberîya Walîtîya Dîyarbekirî û bi sektoranê taybet yê binan ra bi muşterekî platformê neweyê bajarî ame awankerdene.Daşinasnayişê platforme qezaya peyasî de otelêk de virazîya û kombîyayiş rê Walî û Serekwekîlê Şaredarîya Bajarê Girdî ya Dîyarbekirî Hasan Basri Guzeloglu, Rektorê Unîversîteya Dîcle Prof. Dr. Talip Gül, Sekreterê Pêroyî yê Ajansê Qerejdaxî Dr.Hasan Maral, Serekê DTSOyî Mehmet Kaya, Endamê Borsayê Bazirganîye ya Bajarî Ramazan Ozkiliç, Serekê Yewîya Odeyê Esnaf û Sinatkaran Alican Ebedinoglu, û Serekê OSByî Aziz Odabaşı beşdar bîyî.

Walî Guzelogluyî aşkera kerd ke no platformê ser o xeylê waxto xebitiyeno û badê wîna dewom kerd:”Markayêk hem wayîrê marka rê hem zî resnayoxan rê qezencêko gird ano.Ganî mektebo veren ra dest pêbikero dersxaneyanê robotik kodlama bêro awankerdene.”

Walî GuzelogluyÎ bal ont giringîya merkezanê AR-Ge û tasarimî ser o û wîna vat:”Serra 2020 de merkeze AR-Ge û tasarimî bêro awankerdene.Ma zaneme ke no hedefêko bi îddîa yo la ma bawerê ke tarîxê Dîyarbekirî gurê ma keno asan.”