Hemşaredarê Şaredarîya Amedî ya Şaristanê Girdî Serra Bucak û Dogan Hatun, beşdarê programê fitarî bîyî ke Weşanxaneyê Nûbîharî organîze kerd.

Hemşaredarê Şaredarîya Şaristanê Girdî Serra Bucak û Dogan Hatun, beşdarê fitarî bîyî ke Weşanxaneyê Nûbîharî salona dawetî ya şaristanî de da.

'Ma seba ziwanî her tewir barî rê amade yê'

Hemşaredarê Şaredarîya Şaristanê Girdî Dogan Hatunî programê fitarî de qalî kerdî û organîzekerdoxanê fitarî rê teşekur kerd û va: "Şima zanê, xebatê Nûbîharî warê dîn û raştîyan de zaf ê. Reyna xebatê Nûbîharî warê ziwanî de zî zaf ê. Ma wextêko muhîm ra vîyarenê. Kurdan reyde ameyîşê têhet zaf rind o. Ma sey şaredarîye seba ziwanî her tewir barî rê amade yê. Çîyo ke ma ano têhet ziwan o."

Hemşaredar Doganî, beşdaranê programê fitarî rê Roşanê Remezanî pîroz kerd û qalîkerdişê xo qedêna.

Programê fitarî de serekê daîreyan û endamê meclîsî hemşaredaranê ma reyde bîyî.