Şaredariya Bajarê Mezin a Amedê, beşdarî 12emîn Foruma Bajarvaniyê ya Cîhanê ya ku di navbera 4-8ê Mijdara 2024an de li Qahîreyê hat lidarxistin bû û di çarçoveya Plana Çalakiyê ya Avhewa û Enerjiya Domdar (SECAP) de xebatên xwe parve kir.

Seroka Daîreya Guhertina Avhewa û Sifir Bermahî Evîn Dînar û Seroka Tîma SECAP a Amedê Newroz Kavak beşdarî 12. Foruma Bajarvaniyê ya Cîhanê (WUF12) a ku îsal li paytexta Misrê Qahîreyê bi sernava "Her tişt ji malê dest pê dike: Ji bo bajarên domdar çalakiyên herêmî û civak" bûn.

Di civînê de hat destnîşankirin ku pirsgirêkên cîhanê bi çareseriyên herêmî çawa dikarin bên çareserkirin, Dînar û Kavak di çarçoveya plansaziya SECAP'ê de ku li Şaredariya Bajarê Mezin a Amedê, di qadên kêmkirina gaza karbonê û lihevhatina bi guherîna avhewayê de gavên bên avêtin hatin nirxandin. Şaredarî di demeke kin de dest bi amadekariyê kir û pêşkeftinek serkeftî pêk anî, û Peymana Gerdûnî ya Şaredaran (GCoM) li standa xwe bi beşdarên navneteweyî re parve kir.

Dînar işaret bi girîngiya forumê kir û diyar kir ku ji bo bidestxistina armancên avhewayê yên gerdûnî divê di asta herêmî de çareseriyên bi bandor bên çêkirin.