Şaredarîya Şaristanê Girdî yê Dîyarbekirî, rayîrê nêweşxaneyê Gazî Yaşargîlî ke qezaya Kayapinar de yo, newe kerd.

Serekîya Daîreya Viraştişê Rayîr û Koordînasyonê Binawanîyan rayîrê nêweşxaneyê Gazî Yaşargîlî de asfalto ke xerpîyaybî, wekna û rayîr newe kerd.

125 ton asfalto germ

Peynîya hewteyî ke trafîkê nêweşxaneyî bî kêmî, rayîro ke 100 metre derg û 6 metre hîra yo, ci newe kerd û 125 to asfalto newe rokerd.

Newekerdişî ra dima rayîr hetê şarî ra reyna ame xebitnayene.