Şaredarîya Amedî ya Şaristanê Girdî, mintiqaya koyan a Qezaya Pasûrî de Taxa Yaylak, Kaynak û Baloglu de rayîranê neweyan akena.

Serekîya Daîreya Koordînasyon û Viraştişê Rayîr û Binawanîyan, seba ke res hîna emnîyetin û rehet bo, dewanê 17 qezayanê şaristanî de xebatanê xo dewam kena. Ekîbî, rayîrê taxe yê grûban û girêdayîşanê înan de xebatanê binge, pirrkerdiş, stabîlîze û asfaltî kenê û problemanê resê şarî safî kenê.

Ekîbî ke aşmanê peyênan de dewanê qezayan de 250 kîlometre rayîrê neweyî qedênayî û dekerdî xizmet, nika mintiqaya koyan a Qezaya Pasûrî de rayîranê neweyan virazenê.

7 kîlometre rayîrê neweyî abîy

Ekîban ke mabênê mezrayanê Taxa Yaylakî de ke vakurê Qezaya Pasûrî de 22 kîlometre mesafe de ya, 2 kîlometreyî rayîrê girêdayîşî yê neweyî akerdî, Taxa Kaynakî de 3 kîlometre û Taxa Baloglu de zî 2 kîlometre rayîrê neweyî akerdî.

Ekîban reyna rotaya rayîranê neweyan de cayê awanîyan de menfezî viraştî.