Şaredarîya Amedî ya Şaristanê Girdî, Bulwarê Selaheddînê Eyûbî de bi xebatanê xurtkerdişê binawanî rayîrî hîna rehet û ewle kena.

Serekîya Daîreya Koordînasyonê Pawitişê Rayîr û Binawanî, şaristanê pêroyî de xebatanê başkerdişê binawanîya resî dewam kena. Parçeyo 1,1 km yê Bulwarê Selaheddîn Eyûbî yê mabênê Bulwarê Rayîrê Riha û Cadeyê Ehmedê Arîfî de 1ê Temmuze ra xebatanê tertîbê rayîrî dest pêkerd.

Erd ame başkerdene

Şefê Viraştişê Rayîr û Kontrolî Bariş Çetînkayayî va goreyê waştişê welatîyan xebate dest pêkerd: "Tîya Çatrayîrê Polatî yo ke Bulwarê Firatî û Selaheddînê Eyûbî yewbînan rê girê dano. Verê parkeyê kilîtî est bîyî, gazinî giranî ameyêne. Parkeyî nişt bîyî, xirab bîyî. Ma parkeyê mewcûdî wedarnayê, binê înan de erd başkerd û izxaraya awa varanî kerd. Wina binawanîya rayîrî heta tîya qedîya."

Do rayîrê bîsîkletan bibê

Çetînkayayî va peyzajê neweyî, yonga, grûbê nebatan, darê neweyî do bêrê ronayene: "Rayîrê 1,1 km de ma planê ronaynayîşê 200 daranê çinarî kenê. Do 65 estûnê roşnayî yê dekoratîfî, 14 hezar m² peyarayîrê bazaltî bibo. 3 tabaqe asfalto germ do bêro kerdene. Do rayîrê bîsîkletan bibê.”