Şaredarîya Amedî ya Şaristanê Girdî, serra 2025î de pêroyê şaristanî û qezayanê dewan de rayîranê ke seba şert û hewayî ra xirab bîyî, bêmiqate mendî û emnîyetê şoforîye ser o, tesîrê negatîf kerdî, tede xebatê hîrayî kerdî.

Çarçewaya xebatan de 172 kîlometre xebata rayîrî temam bîye, rayîrê taxan ê 2 hezar û 300 kîlometre ser o 70 hezar ton asfalto germ ame rokerdene û konforê resê taxanê dewan ame berzkerdene. Bi xebatanê ke ameyî kerdene, hem pêtîya rayîrî ameye zêdekerdene hem zî emnîyetê şoforîye ame temînkerdene.

17 qezayan de xebatê rayîran ê 106 kîlometre hema dewam kenê.

Serra 2026î de zî merkezê şaristanî û taxanê dewan de xebatê Şaredarîya Amedî ya Şaristanê Girdî yê viraştiş û pawitişê rayîran do dewam bikerê.