Şaredarîya Şraistanê Girdî ya Amedî, Bismil, Farqîn, Çinar, Erxenî, Sûr, Licê û Baglarî de tayê taxe û rayîrê grûban de xebatê viraştiş û tamîrê rayîran qedênayî.

Serekîya Daîreya Koordînasyonê Viraştiş û Pawîtişê Rayîr û Binawanîyan, seba ke resê şarê ma hîna biemnîyet û rehet bo, xebatanê xo dewam kena û 17 qezayan de rayîrê grûbe taxan û girêdayîşê înan de xebatanê binawanî, pirkerdiş, stabilîze û newekerdişî kena.

Qezayan de rayîrî ameyî newekerdiş

Ekîbê ke xebatanê xo dewam kenê, taxanê ke rayîrê înan xeripîyayê û rehetîya resî de tesîrêko negatîf virazenê, tede xebatanê newekerdiş û pînekerdiş kenê. Na çarçewa de Bismil de, rayîrê taxanê Korukçu, Kayabaşî, Bahçelî, Boyacî; Farqîn de rayîrê taxa Yuva; Çinar de rayîrê grûbe yê Tilver-Bulutçeker-Bayirkonak; Erxenî de, rayîrê grûbe yê Selman-Încehidir-Demîrlî, rayîrê taxa Momik, taxa Geçîtlî; Sur de, rayîrê taxa Kuşlukbagî; Licê de, rayîrê grûbe yê Damar-Signak-Turelî; Baglar de, rayîrê taxa Tokaçli-Ovundilerî de xebatê asfalt, rakerdiş-şidênayîş, binawanî, pawîtiş û tamîrî qedîyayî.

Xebatê ke dewam kenê

Farqîn de, rayîrê taxa Eşme-Beypinar de xebatê 4.3 kîlometreyî yê rakerdiş-şidênayîş binawanî û Erxenî de xebata menfezan yê rayîrê taxa Çaykoyî dewam kenê.