Şaredarîya Amedî ya Şaristanê Girdî, rayîrê grûbe yê Satî-Kozanî ke 9,5 kîlometre yo û rayîrê grûbe yê Oglaxlî ke 14,5 kîlometre yo, ke 26 taxan û zaf mezrayan rê xîzmet kenê, newe kerdî.

Serekîya Daîreya Pawitiş û Koordînasyonê Rayîran û Binawanîyan, seba ke res hîna emnîyetin û rehet bibo, xebatanê xo de dewan de rayîrê grûbe yê taxan û girêdayîşanê înan de xebatanê binawanî, binge, stabîlîze û newekerdişî kena.

9,5 kîlometre rayîrê grûbe xebatî qedîyayî

Ekîbê Şaredarîya Şaristanê Girdî, taxan de rayîranê ke xerpîyayê û rehetîya ramitişî xirabin kenê, tede xebatanê newekerdiş û pînekerdişî kenê. Xebatan de qezaya Sûrî de rayîrê grûbe yê Satî-Kozanî de ke 9,5 kîlometre yo, 5 kîlometreyê ey BSK, 4,5 kîlometreyê ey zî bi 1. û 2. qatê sathî ame qedênayene.

Rayîrê grûbe 17 taxan rê xîzmet keno

Rayîrê Amed-Bismilî ra; taxê Tanoglî-Kozan-Satî-Hizirîlyas, Kartaltepe, Saritoprak-Ambar-Sarilar-Kervanpinar-Kabasakal-Karabaş-Karaçali-Uluturk-Zorova-Gulpinar-Haciosman û Bahçecikî tira îstîfade kenê.

14,5 kîlometre rayîr ame newekerdene

Ekîban ke aşmanê vîyarteyî de rayîrê grûbe yê Oglaxlî-Yigîtyolî-sinorê qezaya Sêwregî ke merkezê qezaya Baglarî ra heta sinorê wilayetê Rihayî ca gêno û 1,5 kîlometre yo, tede xebatê kendiş-pirrkerdişî, pirrkerdişê kerrayan û pmatî kerdbi, 7,7 kîlometreyê rayîrê grûbe de BSK, 6,8 kîlometreyê ey de zî 1. û 2. qatê sathî kerd û qedêna.

Rayîrê grûbe, eynî wextî de demê zimistanî de sey rayîrê Merkezê Xijkerdişî yê Qerejdaxî ke cayê zîyaretê turîstîkî yo, yeno şuxulnayene.

Taxe û mezrayê ke rayîr tira vîyareno

Rayîrê Sêwregî yo kehen û cayê eşteyanê huşkan yê Amedî yo, taxê Oglaxlî, Ovunduler, Yigîtyolî, Sakalli, Ortaoren, Yukariakdibek, Kamişpinar, Ekince û Kirkkoyunî û mezrayê Mezrik, Karaduman, Tokaçli, Beykaya, Gurpinar, Dover, Hasanaga, Urkmez, Hacikoç, Guven, Tahtireş, Naldoken, Bekçidami, Gomderesî, Kelek û Kişlayî nê rayîrî ra îstîfade kenê.

Rayîran de xebatê xêzekerdişî ameyî kerdene

Ekîban, rayîranê grûbe yê Satî-Kozan û Oglaxlî yê 24 kîlometre de ke ameyî newekerdene, seba ke trafîk emnîyetin bibo xebatê çîzgî kerdî.