Şaredarîya Amedî ya Bajarê Girdî, çarçewaya xebata rijnayîşê bînayan ke erdlerzan ra ke merkezê înan Mereş de bîyî, zaf zerar dîyê do qismêkê Cadeyê Cengîzler û Cadeyê Emekî yê qezaya Baglarî 7 rojî trafîkê wasitayan rê pado.

Merkezê Koordînasyonê Resî (UKOME), seba rijnayîşê bînaya ke zaf zerar dîya, qerar girewt ke qismêkê Cadeyê Cengizler û yê Emekî yê qezaya Baglarî (Koşeyê Hepisxaneyî yo Corên) mabênê tarîxanê 9-15ê Teşrîna Verêne de trafîkê wasitayan rê bêrê padayene.

Rayîro alternatîf

Wexto ke cade trafîkî rê girewte bo, no rayîro alternatîf eşkeno bêro şuxulnayene: "Wasitayê ke Bulwarê Rihayî û Kuçeya 206. ra yenê û şênê Cadeyê Emekî bişuxulnê, do rayîrê xo ra Bulwarê Rihayî ra dewam bikerê û hetê Bulwarê Turgut Ozalî ra rayîrê xo dewam bikerê."