Amed de hetê rêxistinanê cinîyan ra bi şîarê "Cinî Seba Aştîya komelkî û çareserîya demokratîke Rayîr Şinê" rayîrşîyayîşêk organîze bî.

Cinîyê ke zaf cayanê Tirkîya ra ameyî Amed, Qezaya Yenîşehîrî de Parka Ciwîyayîşî ya Şemse Allak de kom bîyî û dima heta vernîya Camîyo Gird ê Qezaya Sûrî rayîr şîyî.

Rayîrşîyayîşî de Hemşaredara ma Serra Bucak, Hemsereka Pêroyî ya DEM Partî Tulay Hatimoğulları, temsîlkarê rêxistinanê cinîyan, endamê Meclîsê Mayanê Aştîye û zaf cinî beşdar bîyî.

Rayîrşîyayîşî ra dima Hatimogullari qisey kerd û bale ante ke aştîyo ke cinî parçeyê ey nîyê, aştîyêko daîmî nêbeno.

Rayîrşîyayîş qiseykerdişan ra dima qedîya.