Hevşaredarên Bajarê Mezin ê Amedê Serra Bucak û Dogan Hatun li ser înternetê bi Seroka Şaredariya Rennesê Nathalie Appéré re hevdîtinek pêk anîn.

Hevşaredarên Bajarê Mezin Serra Bucak û Dogan Hatun bi Seroka Şaredariya Rennes a Fransayê Nathalie Appéré û Cîgira Şaredara Rennesê ya Têkiliyên Navneteweyî Flavie Boukhenoufa re li ser înternetê hevdîtinek pêk anîn. Di hevdîtina ku saetekê dom kir de, ji bo pêşxistina têkiliyên dîrokî û hevkariya dîplomatîk a di navbera Şaredariya Bajarê Mezin û Şaredariya Rennesê de, biryareke hevpar hate girtin.

Di civînê de ku projeyên ekolojîk ên wek vavartina sergoyan jî hatin nîqaşkirin, daxwazên ji bo pêkanîna projeyên hevpar hatin ziman.