Şaredarîya Amedî ya Şaristanê Girdî projeyê neweyî viraştî û resayîşê bajarî de demêko newe da destpêkerdene. Serekê Daîreya Resî Temel Cengizî va 14 otobusî ameyê girewtene û serra ameyoxe de 51 otobusê bînî zî gênê.

Daîreya Resî 8 aşmanê peyênan de seba resayîşêko emnîyetin û rehet projeyê muhîmî kerdî. Merkezê Kontrolê Trafîkî awan bî û projeyê Dingê Aqilmend dest pêkerd. Dingê dewan de îhale îhale qedîya û otobusanê şarî rê protokol îmza bi. 14 otobusê neweyî ameyî girewtene û 4 hezar û 641 otobusî ameyî tamîrkerdiş.

Bajar de 2 hezar û 64 kîlometre xeta rayîrî, rayîrê bisîkletan û cayê rayîrşîyayîşî viraştî. 31 hezar tabelayê trafîkî ronayî û 64 çatrayîrî Merkezê Kontrolê Trafîkî ra yenê temaşekerdiş. 14 çatrayîrê bînî zî do bêrê viraştene û 10 dingî kerdî aqilmend.

Cengizî dewamê qiseykerdişê xo de va ke 51 otobusê bînî zî do serra ameyoxe de bigîrê û protokolo ke îmza bîyo, ey reyde astengdarî û şaro ke 65 serrî ra girdêr o do bêheq resê xo bikero.