Şaredarîya Amedî ya Şaristanê Girdî, seba ke trafîkê şaristanî asan bikero, dest bi awankerdişê "Sîstemê Kontrolê Çatrayîrî yê Dînamîk bi Zîrekîya Viraştîye" kerd ke dinya de teknolojîyo tewr peyên yê sîstemê sînyalîzasyonî yo.

Sîstemo ke Turkmenîstan de Arkadag, Endonezya de Jakarta û Tirkîya de Bûrsa de awan bîyo, nika zî Amed de yeno xebitnayene. No sîstem, algorîtmayê xo reyde, erebeyê ke çilayanê trafîkî de pawenê, demê înan keno tewr tay û koordinasyonê mabênê çatrayîran temîn keno. Bi no hewa bi analîzkerdişê malumatan rehetîya trafikî keno zêde.

Xebatî cayê cîyayan ê şaristanî de dewam kenê. Binawanîyê çatrayîranê muhîman de, ronayîşê borîyan, montajê kabloyanê elektrîk û înternetî, panoyê saha û montajê direganê kamera, qedîyayî. Serekîya Daîreya Resî, seba ke sîstemê Zîrekîya Viraştîye biresno çatrayîrê muhîm û qelebalixan ê şaristanî, xebatanê laziman do bikero.