Şaredarîya Amedî ya Şaristanê Girdî, fealîyetê "Şayîya Wisarî ya Gedeyan" ke 4 rojan dewam kerdî û seba ke gedeyî hem keyf bikerê hem zî aktîvîteyanê fîzîkî û zihnîyan bikerê ameyî organîzekerdene, nêzdîyê 7 hezar gedeyî beşdar bîyî.

Bi hemkarîya daîreyanê şaredarîye û piştgirîya şaredarîyanê qezeyan, mabênê 19-22ê Nîsane de 4 rojan ke bajar de organîze bîbî, fealîyetê şayîye qedîyayî. Fealîyetan de ke bi coş ameyî vîyartene, nêzdîyê 7 hezar gedeyî beşdar bîyî û keyf kerd.

Roja çarine de zî, Taxa Ferîtkoşkî ya Qezaya Yenîşehîrî û Cayê Ciwîyayîşê Hemparî yê Sumerparkî de, gedeyî beşdarê nawitişê anîmasyonî, tenîsê kort, tenîsê masa, langirt, dart, kodkerdişê robotîkî, rîtm, resim, hunerê ebrû, drama û atolyeya felsefeyî bîyî. Cayê Ciwîyayîşê Hemparî yê Sumerparkî de beşdarê aktîvîteyanê fîzîkî û zihnîyan bîyî, Taxa Ferîtkoşkî de zî xalî saha de futbol, basketbol, dêsê vejîyayîşî, parkurê keyeyê sungî, boyaxkerdişê rî û fealîyetê muzîkî reyde bigovendan keyf kerd.

Gedeyî û keyeyê înan ke beşdarê fealîyetan bîyî, îfade kerd ke ê zaf keyf kenê û şaredarîye rê sipas kerd. Sereka Daîreya Xizmetê Sosyalî Serap Yildirim va ke "5 cayanê cîya-cîyayan de şayî organîze kerdî û nêzdîyê 7 hezar gedeyî beşdar bîyî. Ê resayî amancê xo û va, ma do serranê ameyoxan de zî festîvalanê hîna girdan virazê."