Şaredarîya Amedî ya Şaristanê Girdî û Şaredarîya Sûrî Taxa Mermerî de Şayîya Sporî ya Gedeyan organîze kerd, dîmenê rengîn ameyî dîyene.

Serekîya Daîreya Xizmetanê Ciwan û Sporî û Serekîya Daîreya Xizmetanê Sosyalan a Şaredarîya Şaristanê Girdî bi hemparîya Şaredarîya Sûrî Taxa Mermerî ya girêdayeya qezaya Sûrî de Şayîya Sporî ya Gedeyan organîze kerd. Hemşaredarê Şaredarîya Sûrî Adnan Orhan û endamê meclîsî beşdarê aktîvîte bîyî. Orhan, şayî de gedeyan reyde kay kerd û pîya wextêko weş vîyarna. Sewbîna waştişê welatîyanê taxe goşdarî kerd û problem û hewcedarî not kerdî.

Şayî de gedeyan; kayê sporî, boyaxkerdişê rîyan, kayê kuçeyî yê tradîsyonelî û parkuranê keyfweşîye yê taybetan de keameyî ronayene, mirdîya xo keyf kerd. Aktîvîte de ke dîmenê rengînî ameyî dîyene, şabîyayîşê gedeyan rîyanê înan ser o asaye bî, keyeyî zî aktîvîte ra kêfweş mendî.