Şaredarîya Amedî ya Bajarê Girdî, seba ke gedeyî hem keyf bikê hem zî aktîvîteyanê fizîkî û zîhnî de ca bigîrê, Şayîya Gedeyan organîze kerd.

Mudirîya Şûbeyê Xizmetê Gedeyan yê Serekîya Daîreya Xizmetanê Sosyalan, bi paştîdayîşê Serekîya Daîreya Xizmetanê Ciwanî û Sporî de Taxa Yenîkoyê Qezaya Baxlarî de Şayîya Gedeyan organîze kerde.

Gedeyê ke beşdarê şayîye bîyî, futbol, basketbol, trambolîn, tenîsê masa kay kerd û beşdarê atolyeyanê resim, rîtim û dramayî bîyî.

Gedeyan rojêka zaf weşe vîyarna

Gedeyan wexto ke keyf kerdêne, aktîvîteyê fizîkî û zîhnî reyde averşîyayîşê xo rê kede daye bi kayan û atolyeyî û rojêka weşe de keyf kerd.

Wexto ke mabênê kayan de gedeyan rê awe, kek û awa meyweyan ame îkramkerdene, şayîye de ke may û pîyê gedeyan zî beşdar bîyî, gedeyan rojêka zaf weşe vîyarna.