Hevşaredarê Bajarê Mezin ê Amedê Dogan Hatun, Baxçeyê Miletî yê Yenîşehîrê ku sehbêriya wî ji bo şaredariyê hate terxankirin, seh kir û ji bo nûkirin û temîrkirinê yekîneyên eleqedar wezîfedar kirin.

Şaredariya Bajarê Mezin, Baxçeyê Miletî yê Yenîşehîrê ku ji aliyê TOKÎyê ve ji aliyê Wezareta Hawirdor, Bajarvanî û Guherîna Avhewayê ve hatibû çêkirin, girt. Hevşaredarê Bajarê Mezin Dogan Hatun ê ku Baxçeyê Miletî seh kir, bi rayedarên şîrketa taşeron re hevdîtin kir û xwest kêmasiyên Baxçeyê Miletî bên rakirin.

Hevşaredar Hatun ji bo xizmetkirin û sererastkirina "rêçên meşê, doşk, hewz, pergala avdaniyê û qada hêşîn" berpirsên beşên peywendîdar erkdar kir da ku welatî bê pirsgirêk bikarin Baxçeyê Milet bi kar bînin.

Di kontrolên li Baxçeyê Miletî de Alîkarê Sekreterê Giştî Ozgur Yildirim û serokên daîreyan bi Hevşaredar Hatun re amade bûn.