Hevşaredara Bajarê Mezin a Amedê Serra Bucak, Navenda Lênêrîna Bi Roj û Xaniyên Bêhnvedanê ziyaret kir û li wir lêkolîn kir.

Hevşaredara Bajarê Mezin Serra Bucak, piştî avakirina Daîreya Xizmetên Astengdar û Kal û Pîran ewil serdana Navenda Lênêrîna Bi Roj û Xaniyên Bêhnvedanê yên ku dê û bav bi hêsanî bi roj zarokên xwe tê de bihêlin û di nav midûriyeta navborî de kir. Rawestgeha yekem a Hevşaredar Bucak ku li cihê xizmetê lêkolîn kir, Mala Bêhnvedanê ya li Yenîşehîrê bû. Hevşaredar Bucak şert û mercên fizîkî, rewşa paqijiyê û xebatên Malê lêkolîn kir û der barê asta perwerdeya taybet a zarokan û rewşa giştî de agahî ji rayedaran girt.

Hevşaredar Bucak piştre Navenda Jiyana Aktîv a Park Orman û Navenda Lênêrîna Bi Roj ya Huzurevleriya Kayapinarê ziyaret kir û xwest kêmasiyên hatine tespîtkirin di zûtirîn demê de bên çareserkirin. Hevşaredar Bucak her wiha der barê temîrkirin û çaksaziya navendan, rewşa nûjenkirin û rewşa kursan de jî agahî standin da ku zarokên xwedî pêdiviyên taybet bi hêsanî karibin ji îmkanan sûd werbigirin.

Alîkarê Sekreterê Giştî Ozgur Yildiz, Serokê Daîreya Xizmetên Astengdar û Kal û Pîran Îsmaîl Degîrmencî û endamên meclîsê bi Hevşaredar Bucak re hatin serdanê.