Hevşaredarên Bajarê Mezin ê Amedê Serra Bucak û Dogan Hatun, pêşwaziya heyeta ku ji parêzerên Hevserokê Giştî yê berê yê HDP'ê Selahattîn Demîrtaş jî di nav de bû, kirin.

Heyeta ku ji parêzer û şêwirmendên Hevserokê berê yê Partiya Demokratîk a Gelan (HDP) ê girtî Selahattîn Demîrtaş pêk dihat, çûn serdana Hevşaredarên Bajarê Mezin Serra Bucak û Dogan Hatun.

Şandeyê silavên Demîrtaş gihandin Hevşaredaran. Şandeyê pirtûkên Demîrtaş pêşkêşî Hevşaredaran kirin û di peywira xwe de ji Hevşaredaran re serkeftin xwest.

Hevşaredaran kêfxweşiya xwe ya ji ber serdanê anîn ziman û spasiya şandeyê kirin.