Hevşaredarê Bajarê Mezin ê Amedê Dogan Hatun, piştî 6 sal û 4 mehan serdana navenda sersaxiyê ya ku ji aliyê malbata Şenyaşar ve hatiye avakirin ziyaret kir û sersaxî xwest.

Hevşaredarê Bajarê Mezin Dogan Hatun, serdana sersaxiyê ya 6 sal û 4 meh şûnde ji bo Hacî Esvet Şenyaşar û zarokên wî Celal û Adil Şenyaşar ên di êrîşa 14ê Hezîrana 2018an de li navçeya Pirsûsa Urfayê jiyana xwe ji dest dabûn kir. Hevşaredar Hatun û Hevserokê Partiya Herêmên Demokratîk (DBP) Keskîn Bayindir, Hevşaredarên Bajarê Mezin ê Wanê Neslihan Şedal û Abdullah Zeydan, Hevşaredara Bajarê Mezin a Mêrdînê Devrîm Demîr, Berdevka Komîsyona Hiqûqê ya DEMê Sevda Çelîk Ozbingol, hevşaredarên şaredariyê, rêxistinên sivîl û endamên Meclîsa Şaredariya Bajarê Mezin a Amedê ji aliyê malbata Şenyaşar ve hatin pêşwazîkirin.

Hevşaredar Hatun bi endamên malbata Şenyaşar re sohbet kir û sersaxî xwest.

Şaredariya Pirsûsê ziyaret kir

Piştre Hevşaredar Hatun li gel hevşaredarên Wan, Mêrdîn û Dêrsimê Şaredariya Pirsûsê ziyaret kir. Hevşaredar Hatun bi Hevşaredarên Pirsûsê Ayten Kaya û Muslîm Baran re der barê xizmet û xebatên şaredariyê de nêrînên xwe nirxand.