Şaredarîya Amedî ya Bajarê Girdî û şaredarîyê qezayan, kafe û qehwexaneyanê Baxlar û Yenîşehîrî de broşurî vila kerdî û bale ante şîdetê cinîyan ser o.

Serekîya Daîreya Xizmetê Cinî û Keyeyî ya Şaredarîya Bajarê Girdî, bi munasebetê 25ê Teşrîna Peyêne Roja Têkoşînê Mîyanneteweyî yê Vera Şîdetê Cinîyan şaredarîyanê qezayan reyde pîya kampanyaya "Vatişê ma nêqedîya, ma do pîya şîdetî vindarnê" da destpêkerdene û do yew serre dewam biko, çarçewaya kampyanya de fealîyetî dewam kenê.

Serekîya Daîreya Xizmetê Cinî û Keyeyî û Mudirîyê Xizmetê Cinî û Keyeyî yê Şaredarîyanê Yenîşehîr û Baxlarî, kafe û qehwexaneyanê Kuçeyê Hunerî yê Qezaya Yenîşehîrî û taxanê Şêx Şamîl û Yûnis Emreyî yê Qeza Baxlarî de şarî rê broşurî vila kerdî û bale ante şîdetê cinîyan ser o.

Xebate de Hemşaredara Şaredarîya Baxlarî Leyla Ayaz, Hemşaredara Şaredarîya Yenîşehîrî Safîye Akdax, Sereka Daîreya Xizmetê Cinî û Keyeyî ya Şaredarîya Bajarê Girdî Ozden Gurbuz Sumer û endamê meclîsî beşdar bîyî.

Qiseykerdişan de ke fealîyet de ameyî kerdene, ame dîyarkerdene ke şîdeto ke cinîyan ser o yo problemêko komelkî yo û ame tekîdkerdene ke seba ke şîdet biqedîyo ganî her kes berpirsîyarî bigîro.