Sporê Şaredarîya Amedî ya Bajarê Girdî, henbol, voleybol û futbolî de bi serkewtişanê ke reyna girewtê, serkewtişanê xo dewam kenê.

Sporê Şaredarîya Amedî ya Bajarê Girdî ke binê Serekîya Daîreya Xizmetanê Ciwanî û Sporî de awan bîyê, musabeqeyanê henbol, voleybol û futbolî de vera rakîbanê xo ser kewt.

Sporê Şaredarîya Amedî ya Bajarê Girdî ke Lîga 2. ya Henbolê Camêrdanê Tirkîya Grûba G de mucadele keno, Salonê Sporî yê Seyrantepe de musabeqa de ke Kluba Sporî ya Dibistana Mabênî ya Herêma Derudewe ya Yeşîllîya Mêrdînî reyde ameyî têver, 29-20 ser kewt û 3 musabeqayê verênan de ser kewt.

Lîga Voleybolê Cinîyan a 2. de zî Îçkalespor û Sporê Şaredarîya Amedî ya Bajarê Girdî, Salonê Sporî yê Koşkleran de ameyî têver. Taximê DBByî bi setanê 25-14, 25-10, 25-15î rakîbê xo 3-0 mexlub kerd û 6 musabeqayan de serkewtişê xo yê 5. girewt.

Taximê DBB’yî Play-Off qezenc kerd

DBB ke mîyanê 24 taximanê Lîga U-18 ya Ciwananê TFFya Amed Grûba 2. de ca gêno, 11 musabeqayan ra 10î hebînan de ser kewt. Taximê DBByî ke grûbe de rêza 2. de temam kerd, heqê Play-Offî qezenc kerd. Nê musabeqayan ra dima 2 taximî do beşdarê Şampîyonaya Tirkîya bibê.

Lîga U 14 Grûba B de zî taximê DBByî, 13 musabeqayan ra 9 serkewtiş, 4 mexlubîyetî girewtî û lîg rêza 5. de temam kerd.

Musabeqaya Lîga Super Amatorî de Sporê Şaredarîya Amedî ya Bajarê Girdî, Tesîsanê Şîlbe de Yolsporî reyde ameyî têver. Musabeqa 0-0 seypê qedîya.