Taximê Futbolî yê Cinîyan ê Şaredarîya Amedî ya Şaristanê Girdî, Erxenî Makamsporî 3-0 reyde kay kerd û kayê xo yê çarinî de zî serkewte bî, taximê futbolî yê camêrdan zî bi serkewtiş grûbe de vejîya rêza yewine.

Taximê futbolî yê cinî û camêrdan ke Serekîya Daîreya Xizmetê Ciwanî û Sporî de ronîyayê, serkewtişanê xo dewam kenê. Taximê Futbolî yê Cinîyan ê Şaredarîya Amedî ya Şaristanê Girdî ke Lîga 3. ya Federasyonê Futbolî ya Tirkîya (TFF) Grûba 29. de kay keno, musabeqaya ke Erxenî Makamsporî reyde kay kerd 3-0 serkewt. Taximê Futbolî yê Cinîyan ke çar kayê xo de golêk zî nêwerd, puanê xo kerd 12. Taximê Futbolî yê Cinîyan ê DBB’yî ke grûba xo de sere de yo, do 1ê Adare de Guneyketspor reyde kay bikero.

Taximê Futbolî yê Camêrdan grûbe de vejîya rêza yewine

Taximê Futbolî yê Camêrdan ê DBB’yî ke Lîga Super Amatorî ya Amedî Grûba A de kay keno, Dîyarbekir Yolsporî reyde kay kerd û 2-0 qezenç kerd.

Bi nê encamî puanê xo kerd 36 û bi averajî grûbe de vejîya rêza yewine. Taximê DBB’yî do hewtêna Dîyarbekir DSÎ Sporî reyde kay bikero.