Endamê cinî yê Meclîsê Şaredarîya Amedî ya Şaristanê Girdî û personelê cinîyî yê şaredarîye, seba ke Taximê Futbolê Cinîyan ê Amedsporî hîna zede biaso, trîbun ra bi tezahuratan piştî daye.

Endamê cinî yê Meclîsê Şaredarîya Amedî ya Şaristanê Girdî û personelê cinî yê şaredarîye, çarçewaya 8ê Adare Roja Cinîyanê Kedkaran a Dinya de, piştî daye Taximê Futbolê Cinîyan ê Amedsporî. Cinî trîbun ra bi tezahuratan moral da taximî û bale ant asayîşê cinîyan ê sporî ser o.

Trîbun ra piştgirîya cinîyan

Taximê Futbolê Cinîyan ê Amedsporî ke Lîga Supere ya Futbolê Cinîyan a Turkcellî de mucadele keno, Tesîsê Sporî yê Şilbeyî de Taximê Futbolê Cinîyan ê Trabzonsporî reyde kewtî têver. Endamê cinî yê Meclîsê Şaredarîya Şaristanê Girdî û personelê cinî yê şaredarîye ke trîbun ra maç temaşe kerd, bi heyecan piştî daye Taximê Futbolê Cinîyan ê Amedsporî. Cinîyan, bi şîarê "Cinî cu ya" reng da trîbunan.

Maç bi serkewtişê Trabzonsporî qedîya

Taximê Futbolê Cinîyan ê Trabzonsporî vera Taximê Futbolê Cinîyan ê Amedsporî bi serkewtişê 2-0 qezenç kerd.