Şaredarîya Amedî ya Şaristanê Girdî seba ke doman û ciwanî qabîlîyetanê xo aver berê kursê sporî organîze kerdî û 412 kursîyeran dest bi kursan kerd.

Serekîya Daîreya Xizmetê Ciwan û Sporî, seba doman û ciwanan zaf beşanê sporî de kursan organîze kena. Kursê asnawe, futbol, kayê aqil û hişî, tekwando û tenîsê kortî de kursîyerî qabîlîyetanê xo keşif kenê û aver benê.

Kursî ke tede doman û ciwanê 8-16 serreyî ca gênê, hetê perwerdekaranê pisporan ra yenê dayene.

Perwerdeyî Qada Cuya Hempare ya Sumerpark, Kortê Tenîsê Girewteyî yê 75î û Hewza Asnawe ya Girewtî ya Anzeleyî ya Şaredarîya Kayapinarî de yenê dayene.

Futbol de 72, asnawe de 85, kayê aqil û hişî de 105, tekwando de 95, tenîsê kortî de 55 û pêro pîya 412 wendekarî perwerde gênê. Malzemeyê sporî kursîyeran rê ameyî dîyarîkerdene.

Kursîyerê qabîlîyetinî yenê keşifkerdene

Badê qedîyayîşê kursan sporkarê qabîlîyetinî yenê keşifkerdene, doman û ciwanê ke qabîlîyetin ê do beşanê Klubanê Beledîyesporê Amedî yê Şaristanê Girdî rê bêrê şawitene.

Kursî ke binê Serekîya Daîreya Xizmetê Ciwan û Sporî de dewam kenê, ameyê plankerdene ke do 45 rojî dewam bikerê.