Sporvanên Kulûba Sporê ya Astengdaran a Kayapinara Diyarbekirê ku di Şampiyoniya Hilkişînê ya Tirkiyeyê de ji aliyê Federasyona Çiyageriyê ya Tirkiyeyê ve di navbera 27-29ê Adarê de li Bursayê hatibû organîzekirin bûn yekem, serdana Hevşaredara Bajarê Mezin Serra Bucakê kirin.

Di serdanê de ku Hevberdevkê Meclîsê Ayhan Karatekin, Serokê Daireya Xizmetên Ciwan û Sporê Baran Yilmaz û Nûnerê Kulûbê Mehmet Emin Erdogan amade bûn, sporvanan serkeftinên ku di tevahiya turnuvayê de bi dest xistine parve kirin.

6 jê zêr, 11 madalya hatin qezenckirin

Sporvanên ku di turnuvayê de 6 zêr, 3 zîv û 2 bronz, bi tevahî 11 madalya bi dest xistin, Diyarbekir kirin yekemîn.

Hevşaredar Serra Bucak, sporvan û ekîba teknîkî yên ku ev serkeftin anîn bajar pîroz kir û daxwaza berdewamiya serkeftina wan kir. Bucak anî ziman ku wekî Şaredariya Bajarê Mezin piştgiriya wan a bo sporê û organîzasyonên bi vî awayî ku tevlêbûna sporvanên astengdar a jiyana civakî peyda dikin, dê zêde bibe û berdewam bike.