Şaredarîya Amedî ya Bajarê Girdî, bi munasebetê 25ê Teşrîna Peyêne Roja Têkoşînê Mîyanneteweyî yê Vera Şîdetê Cinîyan merkezanê bazarîye de stantê agahdarîye akerdî.

Kampanyaya "Vatişê ma nêqedîya, ma do pîya şîdetî vindarnê" ke bi munasebetê 25ê Teşrîna Peyêne Roja Têkoşînê Mîyanneteweyî yê Vera Şîdetê Cinîyan Şaredarîya Bajarê Girdî û şaredarîyê qezayan pîya dest pêkerd û do serrêk dewam biko, çarçewa aye de fealîyetî dewam kenê.

Serekîya Daîreya Xizmetê Cinî û Keyeyî, Şaredarîyanê Baglar, Kayapinar û Yenîşehîrî reyde pîya merkezanê bazarîye de derheqê şîdetê cinîyan de xebatanê daşinasnayîşî kena.

Stantan de yeno vatiş ke cinîyê ke marûzê şîdetî manenê yan zî rîskê şîdetî de yê, seba destekê sosyal, huqûqî û psîkolojîkî yê bêpere ke têkoşînê şîdetî de belkî hewce bibê, eşkenê şaredarîyan ra bimusê û mesaj yeno dayene ke mumkin o ke vernîya şîdet û qetilkerdişê cinîyan bêro girewtene.