Mudirîya Pêroyî ya DÎSKÎ yê Şaredarîya Amedî ya Şaristanê Girdî, seba ke Keyeyê Komkî yê Taraxlî yê taxa Karabaşî ya qezaya Surî ke yew cayê roniştişî yo newe yo, şar bieşko bêvindertene û bi hawayêko weş bireso awe, xeta şebekeyê awa şimitişî viraşte.

Mudirîya Pêroyî ya Îdareyê Awe û Kanalîzasyonî ya Amedî (DÎSKÎ), seba ke şarî rê awa şimitişî ya kalîteyin temîn bikero xebatanê xo dewam kena.

Mudirîya Pêroyî ya DÎSKÎ ke her cayê bajarî de xebatanê xo dewam kena seba ke kalîteya xizmetî zêde bikero, bi projeyê ke aver bena cayê roniştişî yê neweyî rê awa şimitişî ya bêvindertene û weşe temîn kena.

Na çarçewa de ekîbê DÎSKÎ, Keyeyê Komkî yê Taraxlî yê taxa Karabaşî ya qezaya Surî ke cayê roniştişî yo newe yo, tede xeta awa şimitişî ronaye.

Bi saya xebata ke Mudirîya Pêroyî ya DÎSKÎ qedênaye, şarî awa şimitişî ya weşe û bêvindertene girewte.