Hevşaredarê Bajarê Mezin ê Amedê Dogan Hatun, beşdarî Duyemîn Civîna Meclîsa Asayî ya Yekîtiya Bajarên Dîrokî bû.

Duyemîn Civîna Meclisa Asayî ya Yekîtiya Bajarên Dîrokî ya 2024an li Marmarîsê bi mazûvaniya Şaredariya Bajarê Mezin a Muglayê û Şaredariya Menteşê hat lidarxistin. Hevşaredarê Bajarê Mezin ê Amedê Dogan Hatun, 300 şaredar û 500 endamên meclîsa şaredariyê beşdarî civîna ku li otelekê hat lidarxistin, bûn.

Lûtkeya Yekîtiya Bajarên Dîrokî ku bi axaftina vekirinê ya Yekîtiya Bajarên Dîrokî û Şaredarê Bajarê Mezin ê Enqereyê Mansur Yavaş û Yekîtiya Şaredariyên Peravên Egeyê û Şaredarê Bajarê Mezin ê Muglayê Ahmet Aras dest pê kir, bi "Civîna Meclîsa Yekîtiya Bajarên Dîrokî" berdewam kir. Di civînê de li ser mijara "Zindî Bihêlin Nirxên Dîrokî: Parastina Mîrateya Çandî û Berdewamî" pêşkêşî hatin kirin. Di daxuyaniyan de der barê avahiyên dîrokî û xebatên mîrateya çandî yên li bajarên endamên yekîtiyê de agahiyên berfireh hatin parvekirin.