Ekîbê Gêrayîş û Xelisnayîşê Binê Awe yo 12 kesî ke binyeya Serekîya Daîreya Îtfaîye de ameyo ronayene, badê perwerdeyê ke girewtî Gola Awbendê Dîcle de tetbîqatê gêrayîş û xelisnayîşî organîze kerd.

Ekîb verê cû Hewza Asnawe ya Girewtî ya Anzele ya Şaredarîya Kayapinarî de perwerdeyê şuxulnayîşê pusula binê awe de, îşaretê roşnayîş û gêrayîş-dîyayîşê binê awe girewt. Dima Gola Awbendê Dîcle de seba mudaxelekerdişê xeniqîyayîşan û gêrayîşê kesanê ke laseran de vîndî bîyê tetbîqat viraşt.

Şuxulnayîşê Drone

Amîrê ekîbê xelaskerdoxanê binê awe Mehmet Ercan Baranî va ke înan drona binê awe test kerda û no şuxulnayîşê droney cayanê xorîyan de ke xelaskerî nêeşkenê biresê ci zaf muhîm o û do xebatanê înan rê zaf ardim biko.