Hevseroka Şaredariya Bajarê Mezin a Amedê Serra Bucak, beşdarî civîna encumenê ya Yekîtiya Şaredariyên Tirkiyeyê (TBB) ya meha çileyê bû ku li Enqereyê hat lidarxistin.

Civîna encumenê ya meha çileyê ya Yekîtiya Şaredariyên Tirkiyeyê (TBB) li Enqereyê pêk hat. Di civîna ku li avahiya navendî ya TBB'ê di bin serokatiya Serokê TBB û Şaredariya Bajarê Mezin a Stenbolê Ekrem İmamoğlu de hat lidarxistin de, bi Hevseroka Şaredariya Bajarê Mezin a Amedê Serra Bucak re, ev serokên şaredariyan beşdar bûn: Serokê Şaredariya Semsûrê Abdurrahman Tutdere, Seroka Şaredariya Bajarê Mezin a Eskişehirê Ayşe Ünlüce, Serokê Şaredariya Bajarê Mezin a Mêrsînê Vahap Seçer, Seroka Şaredariya Edirneyê Filiz Gencan Akın, Seroka Şaredariya Bajarê Mezin a Aydınê Özlem Çerçioğlu, Serokê Şaredariya Buyukcekmeceyê Hasan Akgün, Serokê Şaredariya Keçiörenê Mesut Özarslan, Serokê Şaredariya Karaköprüyê Nihat Çiftçi, Serokê Şaredariya Nevşehirê Rasim Arı û Serokê Şaredariya Zonguldakê Tahsin Erdem.

Di civînê de xebatên yekîtiyê û deynên şaredariyan ên li Saziya Ewlehiya Civakî (SGK) hatin nirxandin.